බලය වෙනුවෙන් කඳුළු සළන කිසිදු පාළකයෙක් මහජනතාව වෙනුවෙන් කඳුළු සළා නොමැති බව ජාතික ජන බලවේගයේ කොළඹ දිස්ත්‍රික් අපේක්ෂක
අනුර කුමාර දිසානායක මහතා පවසයි.
මහජන ඡන්දය වෙනුවෙන් වේදිකා මත කඳුළු සළන ඇතැම් අපේක්ෂකයින් මෙරට දැරියන් දූෂණය කරන විට, මැදපෙරදිග ගොස් සිටින මෙරට කාන්තාවන් එම රටවල්වල පීඩා විඳින විට කඳුළු සළන්නේ නැති බව ඒ මහතා වැඩිදුරටත් ප්‍රකාශ කළේය.
දෙහිවල ප්‍රදේශයේ පැවති ජන හමුවකට එක්වෙමින් ඔහු මෙම අදහස් පළ කළේය.
වසර 72ක් රට පාලනය කළ ආණ්ඩු දෙක යටතේ රටකට විය හැකි සියලු ආකාරයේ විනාශයන් සිදුවී ඇති බවද එනිසා “මේ පාර්ලිමේන්තුව සුද්ද කරන්න ඕනේ.” යනුවෙන් ද අනුර කුමාර දිසානායක මහතා එහිදී පැවසීය.