බන්ධනාගාර දෙපාර්තමේන්තුවේ ප්‍රධාන ජේලර්වරු 19 දෙනෙක් වහාම ක්‍රියාත්මක වන පරිදි ස්ථාන මාරු කිරීමට ක්‍රියාකර තිබේ.
බන්ධනාගාර කොමසාරිස් ජනරාල් තුෂාර උපුල්දෙණිය මහතා පැවසුවේ වහාම ක්‍රියාත්මක වන පරිදි මීගමුව බන්ධනාගාරයේ ප්‍රධාන ජේලර්වරයා ද එම තනතුරෙන් ඉවත්කොට දුම්බර බන්ධනාගාරයට මාරු කළ බවය.
ප්‍රධාන ජේලර් තනතුර සඳහා නිලධාරීන් 6 දෙනෙක් අලුතෙන් පත්කළ බවද ඔහු පැවසීය.
මේ අතර, සිරකරුවෙකුට හෙරොයින් ග්‍රෑම් 7ක් ලබාදුන් බූස්ස බන්ධනාගාරයේ නියාමකවරයෙක් අත්අඩංගුවට ගෙන තිබේ.
එම නියාමකගේ වැඩ තහනම් කිරීමට පියවර ගත් බවද බන්ධනාගාර කොමසාරිස් ජනරාල් තුෂාර උපුල්දෙණිය මහතා පවසයි.
එසේම මැගසින් බන්ධනාගාරය තුළ සිදුකළ මෙහෙයුමකදී ජංගම දුරකථන 14ක් සොයා ගෙන තිබේ.