විශ්වවිද්‍යාල තුළ අමානුෂික අන්දමින් ක්‍රියාත්මක කරනු ලබන නවකවධය වැළැක්වීමට විශේෂ අවධානයකින් කටයුතු කරන ලෙසත් ඒ සඳහා විශ්වවිද්‍යාල පාලන අධිකාරිය සමග එක්ව ක්‍රියාකාරී වැඩපිළිවෙළක් සකස් කරන ලෙසත් පොලිස්පතිවරයාට උපදෙස් ලබා දුන් බව ජනාධිපති මෛත්‍රීපාල සිරිසේන මහතා පැවසීය.
විශ්වවිද්‍යාල දරුවන්ගේ අනාගතය පිළිබඳ රජයට වගකීමක් තිබෙන බව කී ජනාධිපතිවරයා එම වගකීම කිසිදු පැකිලීමකින් තොරව ඉටු කරන බව ද ප්‍රකාශ කළේය.
විශ්වවිද්‍යාල තුළ ම්ලේච්ඡත්වයට හෝ කැලෑ නීතියට ඉඩ තැබිය නොහැකි බව ද මෛත්‍රීපාල සිරිසේන මහතා අවධාරණය කළේය.