එක්සත් ජාතික පක්ෂ බලකොටුවක් වන කොළඹ මැතිවරණ කොට්ඨාශයේ ප්‍රබල එජාප සමාජිකයෙකු වන ඒ.ජේ.එම්. මුසම්මිල් මහතා මීළඟ ජනාධිපතිවරණයේදී ගෝඨාභය රාජපක්ෂ මහතාට සහයෝගය දීමට ඉදිරිපත් වී තිබේ.
මින්පෙර එක්සත් ජාතික පක්ෂයෙන් කොළඹ මහ නගර සභාවට තරග කළ ඒ.ජේ.එම්. මුසම්මිල් මහතා එම මැතිවරණය ජය ගනිමින් කොළඹ පුරපති ලෙසද කටයුතු කළේය.
ගෝඨාභය රාජපක්ෂ මහතා ආරක්ෂක ලේකම් ලෙස කටයුතු කරමින් කොළඹ නගරය සංවර්ධනය සිදු කළ කාල සීමාවේ කොළඹ නගරාධිපති ලෙස කටයුතු කළේ මුසම්මිල්ය.
ඔවුන් දෙදෙනා පූර්ණ අවබෝධයෙන් යුතුව ඒ සමයේ කටයුතු කළ අතර කොළඹ අලංකරණ ව්‍යාපෘති බොහෝමයක් සදහා නගර සභාව සහ නාගරික සංවර්ධන අධිකාරිය සහයෝගයෙන් එම කාලසීමාවේ කටයුතු කළේය.
ගෝඨාභය රාජපක්ෂ මහතා ඉදිරි ජනපතිවරණ අපේක්ෂකයෙකු ලෙස ඉදිරිපත් වීමට නාම යෝජනා අත්සන් කල අතර එම අවස්ථාවටද ඒ ජේ එම් මුසම්මිල් මහතා පැමිණ සිටියේය.