අද පෙරවරු 10.00 අවසන් වූ පැය 24ක කාලයේදී කොරෝනා ආසාදිත රෝගීන් 07 දෙනකු අලුතෙන් හදුනාගෙන තිබේ.
කන්දකාඩු ආසාදිතයන්ගේ ආශ‍්‍රිතයන් 06 දෙනෙකු හා පිලිපිනයේ සිට පැමිණ නිරෝධායනයට යොමු කර තිබූ පුද්ගලයෙක් එසේ ආසාදිත යයි හදුනාගෙන ඇත.
මෙම කාලයෙන් පසුව විදේශයන්හි සිට පැමිණි 04 දෙනෙකුද කන්දකාඩු ආසාදිතයන්ගේ ආශ‍්‍රිතයන් 04 දෙනෙකුද කොරෝනා ආසාදිතයන් ලෙස හෙලිව ඇත. ඒ අනුව මෙරට කොරෝනා ආසාදිත ප‍්‍රමාණය 2715 දක්වා ඉහල ගොස් ඇත.
එම කාලය තුලදී පුර්ණ වශයෙන් සුවය ලද 12 දෙනෙකු රෝහල්වලින් බැහැරව ගොස් ඇත. ඒ අනුව දැනටරෝහල්ගත කර සිටින ප‍්‍රමාණය රෝගීන් 658කි.
වසංගත රෝග විද්‍යා අංශය මේ බව තහවුරු කරයි.