Colombo Today Local News

උතුරෙන් දැවැන්ත ජන ගගක් කොළඹට… කොටි සැකකරුවන් නිදහස් කරන්න ඉල්ලා උද්ඝෝෂණයකට සැරසෙයි…

මේ දිනවල පවතින අයහපත් කාලගුණික තත්ත්වය අවසන් වූ වහාම විශාල පිරිසක්‌ උතුරේ සිට කොළඹට රැගෙන විත් දෙමළ දේශපාලන සිරකරුවන් පිරිස නිදහස්‌ කරගැනීම පිණිස දැවැන්ත උද්ඝෝෂණයක්‌ පවත්වන බව දෙමළ ජාතික සන්ධානයේ යාපනය දිස්‌ත්‍රික්‌ පාර්ලිමේන්තු මන්ත්‍රී මාවෙයි සේනාධිරාජා මහතා පවසයි.

“දෙමළ දේශපාලන සිරකරුවන් නිදහස්‌ කරනු” යනුවෙන් සඳහන් කරමින් යාපනය විශ්වවිද්‍යාලයේ සිසුන් විසින් 8 දා දහවල් සංවිධාන කරන ලද විරෝධතා ස්‌ථානයට පැමිණි මාවෙයි සේනාධිරාජා මන්ත්‍රීවරයා කියා සිටියේ රජය මේ සම්බන්ධයෙන් දක්‌වන ප්‍රතිචාරය පිළිබඳව කිසිසේත් සතුටු විය නොහැකි බවයි.

මේ නිසා දෙමළ ජාතික සන්ධානයත් මේ ප්‍රශ්නයට සහාය දක්‌වන දෙමළ හා සිංහල දේශපාලන පක්‍ෂවලත් සහාය ලබාගෙන කොළඹදී දැවැන්ත විරෝධතාවක්‌ දක්‌වා රජයට විශාල බලපෑමක්‌ කරන බව මන්ත්‍රීවරයා කියා සිටියේය.

මෙම විරෝධතාව සංවිධාන කිරීම සඳහා එකම බාධාව වී ඇත්තේ අයහපත් කාලගුණික තත්ත්වය බව කී මන්ත්‍රීවරයා එය ඉතා ඉක්‌මනින් පහව යනු ඇතැයි යන විශ්වාසය මත විරෝධතාවයේ සංවිධාන කටයුතු මේ දිනවල සිදු කරගෙන යන බවද කියා සිටියේය.

Related posts

මහ බැංකු නිවේදනයක්

Admin

ඉතියෝපියාවට ශ්‍රී ලංකා තානාපති කාර්යාලයක්

colombotoday

ශ්‍රී ලංකා ක්‍රිකට් ආයතනය පුහුණුකරුවන්ට සළකන්නේ හමේ පාටටයි – මුරලිගෙන් තිලංගට දුස්රාවක් !

colombotoday

තවත් ගල් අඟුරු බලාගාරයක් සදහා මෙතෙක් අවසන් තීරණයක් ගෙන නෑ- අමරවීර

colombotoday

අජිත්.පී පෙරේරාගේ – සුජීවගේ සමාජිකත්වය අත්හිටුවිය යුතු බවට තීරණය කරයි

colombotoday

හමුදාව දංගෙඩියට යවන්න හැදූ NGO කප්පිත්තෙක් රජයේ වියදමින් ජිනීවා සමුළුවේ !

colombotoday