අර්ජුන් ඇලෝසියස්ට අයත් ඩබ්ලිව්.එම්. මෙන්ඩිස් සහ සමාගමේ ඇල්කොහොල් නිෂ්පාදන ඉස්කාගාර බලපත්‍රය අහෝසි කිරීමට සුරාබදු දෙපාර්තමේන්තුව තීරණය කර තිබේ.
එම සමාගම 2017 වසරේ දෙසම්බර් මාසය වෙනුවෙන් රුපියල් මිලියන 580ක බදු ගෙවීම පැහැර හැරීම බලපත්‍රය අහෝසි කිරීමට හේතු වී තිබේ.
පර්පචුවල් කැපිටල් හෝල්ඩිංග්ස් සමාගම විසින් මෙම ස්කාගාරය 2012 වසරේදී මිලට ගත්තේ සමාගමේ පළමු ආයෝජනය ලෙසය. 1960 දශකයේ ඇරඹි ඩබ්ලිව්.එම්. මෙන්ඩිස් සහ සමාගම ලංකාවේ පැරණිතම මධ්‍යසාර සන්නාමයක් වෙයි.