රාජපක්ෂ පවුලට අයත් බව පැවසෙන විදෙස් රටක බැංකුව ඩොලර් බිලියන ගණනක් සගවා ඇතැයි කියන ගිණුම් එකකවත් හිටපු ජනාධිපති මහින්ද රාජපක්ෂ මහතාගේ නම සදහන්ව නැති බව කැබිනට් ප්‍රකාශක රාජිත සේනාරත්න අමාත්‍යවරයා පවසයි.
කොළඹදී පැවති මාධ්‍ය හමුවකදී ඔහු මේ බව පැවසීය.
වැඩිදුර පරීක්ෂණ සඳහා ඇහරිකාවට ලබා දුන් බැංකු ගිණුම්වල එක් අංකයක් වැරදී ඇති බව ඔහු වැඩිදුරටත් පවසයි.
මීට පෙර අමාත්‍ය රාජිත සේනාරත්න මහතාගේ පුත් පාර්ලිමේන්තු මන්ත්‍රී චතුර සේනාරත්න පවසා තිබුණේ රාජපක්ෂවරුත් විදේශ ගිණුමක සගවා තැබූ ඩොලර් බිලියන ගණනක් තමන් ඇස් දෙකෙන් දුටු බවයි.
මේ අතර හිටපු ප්‍රභූ පවුලක් ඩුබායි හි බැංකුවල ගිණුම් පවත්වාගෙන යන්නේයැයි ඇමැති මණ්ඩල ප්‍රකාශක දොස්තර රාජිත සේනාරත්න මහතා කළ ප්‍රකාශය සම්බන්ධයෙන් ජවිපෙ නායක විපක්ෂයේ ප්‍රධාන සංවිධායක අනුර දිසානායක මහතා ඊයේ (27) පාර්ලිමේන්තුවේදී අග්‍රමාත්‍යවරයාගෙන් ප්‍රශ්නයක් විමසා සිටි අතර අද (28) පාර්ලිමේන්තුවේදී සභානායක ලක්ෂ්මන් කිරිඇල්ල මහතා ප්‍රකාශ කර සිටියේ රනිල් වික්‍රමසිංහ අගමැතිවරයා පාර්ලිමේන්තුවේදී ඒ සම්බන්ධයෙන් අද දින ප්‍රකාශයක් කරන බව ය.
කෙසේ නමුත් ඊයේ පස්වරුවේ සභාව කල් තැබූ අතර රනිල් වික්‍රමසිංහ මහතාගේ ප්‍රකාශයක් සිදු නොවිණි.