2015 ජනාධිපතිවරණයට එක්සත් ජාතික පක්ෂයේ අපේක්ෂකයා ලෙස රනිල් වික්‍රමසිංහ මහතා ඉදිරිපත්වීමට සූදානම්ව සිටියත් ඔහු කිසිම කුහකකමත් නොමැතිව අපේක්ෂකත්වය පොදු අපේක්ෂකයෙකුට ලබා දුන් බව අමාත්‍ය මංගල සමරවීර මහතා කියා සිටී.
මෛත්‍රීපාල සිරිසේන මහතා පොදු අපේක්ෂකයා ලෙස ඉදිරිපත් කර, දෙමළ ජාතික සන්ධානයේ සහ ජනතා විමුක්ති පෙරමුණේ සහය ලබාගෙන ඔහු ජයග්‍රහණය කරවීමට කටයුතු කළ බවත්, එය මෑත කාලයේ මෙරට ප්‍රජාතන්ත්‍රවාදී බලවේග ලැබූ ඉහළම ජයග්‍රහණය බවත් හෙතෙම කියා සිටී.
මංගල සමරවීර මහතා මේ බව කියා සිටියේ අද පාර්ලිමේන්තුවේදී පැවැත්වෙන විශ්වාසභංග යෝජනා විවාදය අමතමිනි.