මෙරට සිදුවු කොවිඩ් මරණ රැසක් වයස්ගත ජනතාව ආශ්‍රයෙන් සිදුවුවත් මේ වන විට මැදි වයසේ පුද්ගලයින් ද බොහෝමයක් එම තත්ත්වයට මුහුණ පා ඇතැයි රජයේ වෛද්‍ය නිලධාරීන්ගේ සංගමය පවසයි.
ඒ අනුව වයස අවුරුදු 40 – 50ත් අතර මැදි වයසේ පුද්ගලයින් කොවිඩ් සංකූලතා හා හෘදයාබාධ හේතුවෙන් මියයෑමේ වැඩි ප්‍රවණතාවයක් අවසන් දින කිහිපය තුළ දක්නට ලැබුණ බව එම සංගමයේ සංස්කාරක වෛද්‍ය හරිත අලුත්ගේ මහතා සඳහන් කරයි.
එමෙන්ම කොවිඩ් මරණ විශ්ලේෂණයේ දී, නිවෙස් තුළ මියගිය බොහෝමයක් බෝනොවන රෝගවලින් පෙළෙන අය බව ද වෛද්‍යවරයා පෙන්වා දෙයි.
එවැනි පිරිස් රැක ගැනීම සඳහා දියවැඩියාව වැනි රෝගී තත්ත්වයන් පාලනය කර ගැනීම අත්‍යාවශ්‍ය කරුණක් බවත් එසේ වුවහොත් කොවිඩ් පාලනය පහසු වනු ඇතැයි ද වෛද්‍යවරයා පැවසීය.