මඩකලපුව ශික්ෂණ රෝහලේ නොමේරු ළදරු ඒකකයේ වෛද්‍ය අධීක්ෂණය යටතේ ප්‍රතිකාර ලබන මාස එකහමාරක් වයසැති දැරියක අත්හැර පලාගිය මවක සොයා මඩකලපුව මූලස්ථාන පොලිසිය පරීක්ෂණ අරඹා තිබේ. මෙලෙස පලාගොස් ඇත්තේ මඩකලපුව සිත්තාන්ඩි ප්‍රදේශයේ කාන්තාවක වන අතර ඇය දරුවා ප්‍රසූත කර ඇත්තේ ඉකුත් සැප්තැම්බර් 20 වැනිදාය.
ඇය විසින් රෝහල් ගත වීමේදී ලබාදී ඇත්තේ ව්‍යාජ ලිපිනයක් යැයි එරාවුර් පොලිසිය විසින් මඩකලපුව පොලිසිය වෙත වාර්තා කර තිබිණි.
මෙම දැරිය බර අඩුවීම හේතුවෙන් මේ දක්වා රෝහල් නොමේරු ළදරු ඒකකයේ වෛද්‍ය අධීක්ෂණය යටතේ ප්‍රතිකාර ලබයි.