ශ්‍රී ලංකා නාවික හමුදාවේ හිටපු මාධ්‍ය ප්‍රකාශක කොමදෝරු ඩී.කේ.පී දසනායක මහතා රියර් අද්මිරාල් නිලයට උසස්කර තිබේ.
යුද සමයේ දී විවිධ තනතුරු දරමින් එල්.ටී.ටී.ඊ ත්‍රස්තවාදය තුරන් කිරීම වෙනුවෙන් විශිෂ්ඨ මෙහෙයක් ඉටුකළ දසනායක මහතා කීර්තිමත් නාවික හමුදා නිලධාරියෙකි.
ඒ මහතා එම ධුරයේ උසස් කිරීමට අදාළ නිර්දේශ ශ්‍රී ලංකා නාවික හමුදාව විසින් ආරක්ෂක අමාත්‍යාංශය හරහා ජනාධිපතිවරයා වෙත යොමුකර තිබෙන අතර ඒ අනුව අදාළ උසස් කිරීම සිදුව තිබෙන බව නාවික හමුදා මාධ්‍ය ප්‍රකාශක ලුතිනන් කමාන්ඩර් ඉසුරු සූරිය බණ්ඩාර මහතා පවසයි.
ඩී.කේ.පී දසනායක මහතා 1987 වසරේ දී ශිෂ්‍යභට නිලධාරියෙකු ලෙස ශ්‍රී ලංකා නාවික හමුදාවට එක්ව තිබෙන අතර යුද සමයේ දී නාවික හමුදා මාධ්‍ය ප්‍රකාශකවරයා ලෙස ද කටයුතු කෙළේය.