මාකඳුරේ මධුෂ් උපදින වේලාවේ එයාගෙ අම්මට වින්නඹුකම් කළේ මගේ අම්මා. ඒ සම්බන්ධය නිසා මධුෂ් පුංචි කාලෙ ඉඳලා මගේ හොඳ යාළුවෙක්‌ යෑයි අත්අඩංගුවේ පසුවන බන්ධනාගාර නියාමක ලලිත් කුමාර නමැත්තා පොලිස් ප්‍රශ්න කිරීම් හමුවේ ප්‍රකාශ කර ඇත.
මාකඳුරේ මධුෂ් සංවිධානය කළ ඩුබායි
සාදයට සහභාගි වී සිටියදී අත්අඩංගුවට පත්ව පසුව පිටුවහල් කරනු ලැබූ ලලිත්
කුමාර යන අය කොළඹ අපරාධ කොට්‌ඨාසය භාරයේ සිටියදී මේ බව කියා සිටියේය.
මෙහිදී තවදුරටත් ප්‍රකාශ කළ හිටපු බන්ධනාගාර නියාමකවරයා මෙසේ ද කියා ඇත.
ඩුබායි පැවැත්වෙන උපන් දින සාදයට මධුෂ් මට ආරාධනා කළා. ඩුබායි එන්න ටිකට්‌
පවා අරගෙන දුන්නෙ මධුෂ්. මධුෂ්ගෙ අම්මයි මගේ අම්මයි හොඳ යාළුවෝ. අපි
හිටියෙ එක ගමේ.
මධුෂ් රිමාන්ඩ් එකේ ඉන්න කොට මම එයාට උදව් කළා. ඒ
නිසා අපි අතරේ තිබුණු මිත්‍රත්වය තවත් වැඩි වුණා යෑයි ද සැකකාර ලලිත් කුමාර
පොලිස් ප්‍රශ්න කිරීම් හමුවේ තවදුරටත් කියා සිටියේය.
මේ අතර ලලිත් කුමාර පාවිච්චි කළ ජංගම දුරකථනය ඔස්‌සේ පොලිසිය විමර්ශනයක්‌ ආරම්භ කර ඇත.