අප්‍රේල් 21 පාස්කු ඉරිදා දිනයේ මෙරටට එල්ල වූ බෝම්බ ප්‍රහාර වල වැළැක්වීමට නොහැකි වීම සම්බන්ධයෙන් වගකිව යුත්තේ ජනාධිපති මෛත්‍රීපාල සිරිසේන මහතා බව පොලිස්පති ධූරයෙන් නිවාඩු යවා තිබෙන පූජිත් ජයසුන්දර මහතා සඳහන් කරයි.
ඔහු විසින් ශ්‍රේෂ්ඨාධිකරණයට ඉදිරිපත් කර තිබෙන මූලික අයිතිවාසිකම් පෙත්සම උපුටා දක්වමින් ප්‍රංශ පුවත් සේවය මේ බව වාර්තා කරයි.
එම බෝම්බ ප්‍රහාර වැලැක්වීමට නොහැකි වීම සම්බන්ධයෙන් වගකීම ජනාධිපති මෛත්‍රීපාල සිරිසේන මහතා බවද පවසන ඔහු තමන් විසින් ඉස්ලාම් අන්තවාදී ත්‍රස්තවාදී පිළිබඳ කරගෙන ගිය පරීක්ෂණ නවතන්නැයි රාජ්‍ය බුද්ධි අංශය විසින් තමනට අණ කළ බවද කියා සිටී.
ජනාධිපතිවරයා යටතේ රාජ්‍ය බුද්ධි අංශ හා ආරක්ෂක අංශ අතර සබදතා බිද වැටී ඇතැයිද පෙත්සමේ පෙන්වා දී ඇත.