Colombo Today Local News

පාතාල සාමාජිකයින් දෙදෙනෙක් අත්අඩංගුවේ

පාතාල නායකයෙකු ලෙස සැලකෙන බන්ධනාගාරගත කර සිටින “ඌරු ජුවා” නැමැත්තාගේ සමීපතමයෙක් වන “රංග” සහ “කුඩු අංජු” නම් පාතාල නායකයාගේ සමීපතමයෙක් ලෙස සැක කෙරෙන රුවන් සංජීව නැමැත්තා ඊයේ (16)දින අත්අඩංගුවට ගත් බව පොලීසිය පවසයි.

රංග නැමැත්තා මුල්ලේරියාවේ දී ද රුවන් සංජීව ව රත්මලාන ප්‍රදේශයේ දී ද අත්අඩංගුවට ගත් බව පොලීසිය පැවසීය.

“රංග” නැමැත්තා හෙරොයින් ග්‍රෑම් 6යි මිලිග්‍රෑම් 10ක් සමග අත්අඩංගුවට පත්ව තිබේ.

ඔහු 2018 වසරේ දී හංවැල්ල ප්‍රදේශයේ ‘චතු’ හා ‘ඉංඩා’ සමග එක් ව තාරක මධූෂංණ නැමැත්තා ව ලක්ෂ 40ක කොන්ත්‍රාත් මුදලකට වෙඩි තබා සහ තියුණූ ආයුධයකින් කපා කොටා ඝාතනය කිරීම, 2018 වසරේ දී හෝමාගම මෝටර් රථ අලෙවි සැලකට පහර දී අලාභ කිරීම, 2015 වසරේ දී මීගොඩ ප්‍රදේශයේ ඉන්ධන පිරවුම්හලක් මංකොල්ලා කෑම හා 2016 වසරේ දී මුල්ලේරියාව ප්‍රදේශයේ දී පුද්ගලයෙකුට පහර දී බරපතළ තුවාල කිරීම යන පෙර වැරදි ඇති බව පොලීසිය පවසයි.

රුවන් සංජීව නැමැත්තා වයස අවුරුදු 24 ක් වන රත්මලාන ප්‍රදේශයේ පදිංචිකරුවෙකි.

මොහු හෙරොයින් ග්‍රෑම් 4යි මිලිග්‍රෑම් 50 ක් සමග අත්අඩංගුවට ගෙන තිබේ.

මෙම පුද්ගලයා 2016 වසරේ දී පිළියන්දල ප්‍රදේශයේ වෙඩි තැබීමක් සිදුකර ඇති අතර ඒ සම්බන්ධයෙන් ගල්කිස්ස අධිකරණයේ නඩුවක් විභාග වන බව ද පොලීසිය පවසයි.

මීට අමතරව, 2012 වසරේ දී බාලවයස්කාර දැරියක් පැහැරගෙන යෑම සම්බන්ධයෙන් ද ගල්කිස්ස අධිකරණයේ නඩුවක් විභාග වෙනු ඇත.

මෙම තැනැත්තා සංවිධානාත්මක අපරාධ සඳහා සිම් කාඩ්පත් 10ක් පරිහරණය කර ඇති අතර, හෙරොයින් ඡාවාරම සම්බන්ධයෙන් ඊෂිකෑෂ් ක්‍රමය යටතේ මුදල් හුවමාරු කර ගෙන ඇතැයි පොලීසිය පවසයි.

Related posts

කොටදෙණියාව පොලීසියේ නීතිවිරෝධී වධකාගාරයක් ගැන පැමිණිල්ලක්

colombotoday

රන්වලට ආචාර්ය උපාධිය දුන්නේ අපියි-ගොවිජන බලමුළුව

Admin

තමිල්නාඩුවෙන් කෝටි 120 කට අධික අත්‍යවශ්‍ය ආහාර ලංකාවට

colombotoday

‘බ්‍රිතාන්‍ය යුරෝපයෙන් ඉවත්වීමෙන් අපේ ආර්ථිකයට විශාල බලපෑමක් නෑ’ – මහබැංකු අධිපති

colombotoday

යුද හමුදාපතිට එරෙහිව ඇමරිකාවට තොරතුරු දී ඇත්තේ මංගල, චන්ද්‍රිකා !

colombotoday

කෝප් කමිටුවට සුජීව සේනසිංහ පත්කෙරේ

colombotoday