වලංගු වීසා බලපත්‍ර නොමැතිවර මෙරට රැඳී සිටි විදේශිය ජාතිකයින් තිදෙනෙකු ඇතුළු පුද්ගලයින් 05 දෙනෙකු ගල්කිස්ස ප්‍රදේශයේ දී අත්අඩංගුවට ගෙන තිබේ.
සංවිධානාත්මක අපරාධ නිවාරණ කොට්ඨාසයේ නිලධාරින්ට ලද තොරතුරක් මත සිදුකළ වැටලීමක දී සැකකරුවන් අත්අඩංගුවට ගෙන ඇති බව පොලිස් මාධ්‍ය කොට්ඨාසය සඳහන් කළේය.
මෙලෙස අත්අඩංගුවට ගෙන ඇත්තේ නයිජිරියානු ජාතිකයින් තිදෙනෙකු සහ ඔවුන්ට මෙරට රැඳී සිටිමට ආධාර අනුබල දුන් පුද්ගලයින් දෙදෙනෙකු බව සඳහන් වේ.
සිද්ධිය සම්බන්ධයෙන් අපරාධ නිවාරණ කොට්ඨාසය වැඩිදුර විමර්ශන සිදුකරයි.