කොරෝනා වෛරස් වසංගත ව්‍යාප්තිය පිළිබඳව ඇතිවී තිබෙන අවදානම හේතුවෙන් මේ වසරේ හජ් වන්දනාව ප්‍රමාද කරන ලෙස හජ් වන්දනාවට සහභාගී වීමට සැලසුම් කරන මුස්ලිම්වරුන්ගෙන් සෞදි අරාබිය ඉල්ලා සිටියි.
එරට හජ් අමාත්‍ය මොහොමඩ් බැන්ටෙන් කියා සිටියේ වන්දනාකරුවන්ගේ ආරක්ෂාව පිළිබඳව සැලකිලිමත් වන බැවින් මෙම ඉල්ලීම සිදුකරන බවයි.
වාර්ෂික හජ් වන්දනාව සඳහා මිලියන දෙකක පමණ ජනතාවක් මෙම ජූලි සහ අගෝස්තු මාසවල මක්කම සහ මදිනා වෙත යාමට අපේක්ෂා කරන ලදි.
හැකියාව ඇති මුස්ලිම්වරු ජීවිත කාලය තුළ එක් වරක් හෝ හජ් වන්දනාව සිදු කල යුතුයැයි පැවසෙයි.
සෞදිය තුල පුද්ගලයින් 1,563 කට වෛරසය ආසාදනය වී ඇති අතර ජීවිත 10 ක් බිලිගෙන ඇත. කොවිඩ් -19 පැතිරීම පාලනය කිරීම සඳහා සවුදි බලධාරීන් විසින් මක්කම සහ මදීනා මෙන්ම රියාද් අගනුවරට ඇතුළු වීම ජනතාවට තහනම් කර ඇත.
BBC