ඌව පළාතේ දෙමළ පාසල්වල සිටින දෙමළ භාෂාව කතා කළ නොහැකි සිංහල ගුරුවරුන් හඳුනාගැනීම සඳහා තම අමාත්‍යාංශයේ ලේකම්වරියගේ මූලිකත්වයෙන් විශේෂ කමිටුවක් පත්කරන බව ඌව පළාත් දෙමළ අධ්‍යාපන අමාත්‍ය සෙන්දිල් තොන්ඩමන් මහතා පැවසීය.
දෙමළ භාෂාව නොදැන පළාතේ දෙමළ පාසල්වල සිටින සියළුම සිංහල ගුරුවරුන් ස්ථාන මාරුකර යැවීමේ තම තීරණයේ කිසිඳු වෙනසක් නොමැති බවත් කුමන බාධක පැමිණියද තමා එම පියවර ගන්නා බවද හෙතෙම කීය.
බදුල්ල දෙමළ බාලිකා විදුහලේ ඇතුළු ඌව පළාතේ සියළුම දෙමළ පාසල්වල සිටින සිංහල ගුරුවරුන් ඉවත් කිරීමේ තීරණය සම්බන්ධයෙන් සිය අමාත්‍යාංශයේදී අද (5)විශේෂ ප්‍රකාශයක් සිදුකරමින් තොන්ඩමන් අමාත්‍යවරයා මේ බව පැවැසීය.