ArticlesColombo Today Local NewsTop Stories

අනුරගේ බලු වැඩේ ඇත්තටම හොඳයි!

මේ කතාව එළියට එන්නේ ලංකා ජනතා පක්ෂය විසින් අද දින පවත්වපු මාධ්‍ය හමුවේදී. එහි ලේකම් මධුභාෂණ ප්‍රභාත් රණහංස විසින් කියපු මේ ආන්දෝලනාත්මක යෙදුම හුදු ආකර්ශණය සඳහා අපි සිරස්තලයක් විදිහට යොදාගත්තත් මේ කියමන පිටිපස්සේ ලොකු කතාවක් තියෙනවා.

වීදි සුනඛයින් කියන්නේ මේ රටේ දැවෙන ගැටළුවක්. ගූගල් දත්ත වලට අනුව ලංකාවේ සිටින වීදි සුනඛයින් සංඛාව මිලියන තුනකට අධිකයි. ගමේ, නගරයේ කියලා වෙනසක් නෑ! හැම තැනකම අඩු වැඩි වශයෙන් වීදි සුනඛයින් ඉන්නවා.

ඒ වගේම තමයි සුනඛයින් සපාකෑම නිසා වාර්ෂිකව පුද්ගලයින් 20-30 අතර සංඛ්‍යාවක් මරණයට පත් වෙන බවත් සඳහන් වෙනවා. අනික් ඉලක්කම් එක්ක බැලුවාම මේක ගණනින් පොඩි අගයක් වගේ පෙනුනත්, මේ මරණ සියල්ලම පාහේ සිදුවෙන්නේ පාරවල් වල නිදැල්ලේ සරන නිසි එන්නත්කරණයක් නැති සතුන් නිසා වීමයි බරපතල තත්වය.

අතීතයේ ශ්‍රී ලංකාවේ වීදි සුනඛ ගහණය පාලනය කරන්න යම් වැඩපිළිවෙලවල් ක්‍රියාත්මක වුණා. එකත් තමයි ඔබත්, අපත් කවුරුත් අතරේ ප්‍රසිද්ධ බලු වෑන් එක. අද වෙනකොට මේ ව්‍යාපෘතිය ක්‍රියාත්මක තත්වයේ නැහැ. අනෙක් අතට, මිනිසුන්ගේ මෙන්ම සතුන්ගේත් ජීවත්වීමේ අයිතිය ගැන අතීතයට වඩා බරපතල අන්දමින් සාකච්ඡාවට ගැනෙන මේ යුගයේ බලු වෑන් එක කියන්නේ එතරම් ප්‍රායෝගික ප්‍රොජෙක්ට් එකක් නෙමෙයි. කොහොම වුණත්, රජයට පවා හිසරදයක් වෙලා තියෙන මේ වීදි සුනඛයින්ගේ ප්‍රශ්නය පාලනය කරන්නට නම් එන්නත්කරණය සහ සතුන් ව්‍යන්ධකරනයට අදාලව ව්‍යාපෘති නිසි පරිදි ක්‍රියාත්මක විය යුතුමයි.

අතීතයේදී, මේ රටේ වීදි සතුන් සඳහා විෂබීජහරණය සහ එන්නත් කිරීමේ වැඩසටහන් ක්‍රියාත්මක කෙරුණේ සත්ව නිෂ්පාදන හා සෞඛ්‍ය දෙපාර්තමේන්තුව (DAPH) විසින්. 2017 න් පසු මේ වැඩසටහන සෞඛ්‍ය අමාත්‍යාංශය යටතට පැවරෙනවා. ඉන් පසුව තමයි වීදි සුනඛයින් කළමනාකරණය කිරීමේ වැඩපිළිවෙල අවිධිමත් වෙන්නේ.

එතකොට සෞඛ්‍ය අමාත්‍යාංශයේද වරද?

මේ කාරණාව සම්බන්ධයෙන් ජාතික වැඩපිළිවෙලක් සහ ප්‍රතිපත්තියක් අවශ්‍ය වෙනවා. අනෙක් අතට සතුන් පිළිබඳ රජයක් දක්වන මානුෂවාදී බව සහ සුභසාධනය කියන කාරණයත් ලෝකය ඉදිරියේ අපේ සළකුණ පෙන්වන සාධකයක් වෙනවා. මොකද දියුණු බටහිර සමාජය පවා සතුන්ගේ ජීවත්වීමේ අයිතිය පිළිබඳව ඉතා ඉහළින් අගය කරන අතර සත්ත්ව සුභසාධනය වෙනුවෙන් ඉතා දියුණු නීති පද්ධති පවා ඇතැම් බටහිර රටවල තියෙනවා. ඉතින් මේක මෝදි එනකොට පාරේ බල්ලෝ අයින් කරනවා වගේ සරල තැනකින් අවසන් කරන්න බෑ!

මධුභාෂණගේ සම්පූර්ණ කතාව ඔබට පහත සබැඳියෙන් බලන්න පුළුවනි. “අනුරගේ බලු වැඩේ” ගැන සුද්ද සිංහලෙන් කියපු ටික විනාඩි8 තත්පර 43 ඉඳන් තියෙනවා. මේ කාරණය ගැන ඉදිරි ලිපියකින් අපි වැඩිදුර සාකච්ඡා කරමු. ඔබේ අදහස් වලටත් විවෘතයි.

සටහන – Chalana

Related posts

අලුත් ව්‍යවස්ථාව හදන්න පූර්ණ දායකත්වය ඇමරිකානු රජයෙන් !

colombotoday

අජිත්.පී පෙරේරාගේ – සුජීවගේ සමාජිකත්වය අත්හිටුවිය යුතු බවට තීරණය කරයි

colombotoday

රාජගිරිය රිය අනතුරට අදාලව හිටපු වැලිකඩ පොලිස් ස්ථානාධිපති අත්ඩංගුවට ගන්න නියෝග

colombotoday

ජනපති සමග සාකච්ඡාවෙන් පසු දොස්තර වර්ජනය අවසන් !

colombotoday

ජපානයේදී උදයංග හමුවූ නි.ඇමති අරුන්දිකට වැඩ වරදී.. FCID යන්න වෙයි !

colombotoday

ප්‍රංශ ජනාධිපති එමානුවෙල් හෙට ශ්‍රී ලංකාවට

Admin