Colombo Today Local News

අපයෝජකයින් අත්අඩංගුවට ගනු. | රිෂාඩ්ගේ නිවසේ පිච්චි මියගිය දැරිය වෙනුවෙන් හැටන්වල විරෝධතා

හිටපු අමාත්‍ය රිෂාඩ් බදියුදීන් මහතාගේ නිවසේ මෙහෙකාර සේවයේ යෙදී සිටි 16 හැවිරිදි දැරිය ලිංගික අපයෝජනයට ලක්කළ පුද්ගලයන්ට කඩිනමින් දඬුවම් ලබාදිය යුතු බව පවසමින් හැටන් නගරයේදී අද (18) විරෝධතාවක් පැවැත්විය.

අදාළ දැරිය පිලිස්සුම් තුවාල සහිතව රෝහල් ගත කිරීමෙන් දින කිහිපයකට පසු ජීවිතක්ෂයට පත්විණි.

ඉකුත් වසරේ ඔක්තොම්බර් මස අදාළ දැරිය බෞද්ධාලෝක මාවතේ පිහිටි හිටපු අමාත්‍ය රිෂාඩ් බදියුදීන් මහතාගේ නිවසේ මෙහෙකාර සේවයට ගොස් තිබුණේ ඇය පදංචිව සිටි ඩයගම ප්‍රදේශයේ තැරැව්කරුවෙකුගේ මාර්ගයෙනි.

පිළිස්සුම් තුවාල සහිතව ජූලි 03 වැනිදා රෝහල්ගත කළත් ඉකුත් 15 වැනිදා ඇය ජීවිතක්ෂයට පත්විය.

මියයන විට ඇය 16 හැවිරිදි වියෙහි පසුවූ අතර ඇයගේ මරණය සම්බන්ධයෙන් පශ්චාත් මරණ පරීක්ෂණ පැවැත්වූ අධිකරණ වෛද්‍යවරයා සඳහන් කර තිබුණේ ඇය ලිංගික අපයෝජනයට ලක්ව බවය.

දැරියගේ දේහය ඩයගම පිහිටි ඇඟේ නිවස වෙත අද පෙරවරුවේ රැගෙන එනු ලැබීය.

දැරිය අපයෝජනය කළ පුද්ගලයින් වහාම අත්අඩංගුවට ගන්නා ලෙස බල කරමින් අද හැටන් නගරයේදී විරෝධතාවක් පැවැත්විය.

එම විරෝධතාව සඳහා කඳුරට ජනතා පෙරමුණේ නායක මෙන්ම පාර්ලිමේන්තු මන්ත්‍රී වී.රාධක්‍රිෂ්ණන් මහතා ද එක්ව සිටියේය.

මෙවන් පසුබිමක අපරාධ පරීක්ෂණ දේපාර්තමේන්තුවේ රැඳවුම් භාරයේ පසුවන හිටපු අමාත්‍ය රිශාඩ් බදියුදීන් මහතා හදිසියේ ඇති වූ රෝගී තත්ත්වයක් හේතුවෙන් කොළඹ ජාතික රෝහලේ හදිසි ප්‍රතිකාර ඒකකයට ඊයේ ඇතුළත් කෙරුණි.

අපරාධ පරීක්ෂණ දෙපාර්තමේන්තුව විසින් රෝහලේ ආරක්ෂාව තර කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා සඳහන් කළේය.

හැටන් සුදත් එච්. එම්. හේවා

Related posts

නත්තල් සාදයක් මරණයකින් කෙළවර වෙයි

colombotoday

සජිත් වහා පක්ෂ නායකත්වයෙන් ඉවත් වියයුතුයි

Admin

ඇමති දෙපළකට එරෙහිව ශ්‍රීලනිපයෙන් කැරැල්ලක් !

colombotoday

ආණ්ඩුවෙ ඉන්නවා ප්‍රභාකරන් ආණ්ඩු හැදුවත් ඒකට රිංගලා ඇමැති කටු අරන් ලෙව කකා ඉන්න පිරිසක් – පාර්ලිමේන්තු මන්ත්‍රී නිමල් පියතිස්ස

colombotoday

අලුත් ව්‍යවස්ථාව ජනමතයට පිටුපෑමක්… එජාපය ඩී.එස්. ඩඩ්ලිලාටත් අවනම්බු කරනවා – මල්වතු අනුනාහිමි

colombotoday

මුල්ලිවයික්කාල් ස්මාරකය කඩා බිඳ දැමීම යනු දෙමළ ජනතාවගේ හැඟීම් එක රැයකින් සුනුවිසුණු කර විනාශ කර දැමීමට සමානයි..

colombotoday