අයහපත් කාලගුණික තත්වය හේතුවෙන් මිය ගිය ගණන 16 දක්වා ඉහළ ගොස් ඇතැයි වාර්තා වේ.
දින කිහිපයක සිට පවතින තද වැසි සහිත කාලගුණික තත්වය හේතුවෙන් දිස්ත්‍රික්ක 19ක ඇතිවූ ජල ගැලීම්, අකුණු සැර වැදීම්, පස්කඳු කඩා වැටීම් සහ ගස් කඩා වැටීම් හේතුවෙන් පුද්ගලයින් 16 දෙනෙකු මියගොස් ඇති අතර එක් පුද්ගලයෙකු අතුරුදන් වී ඇත.
පීඩාවට පත් පිරිස 1,27,913 ක් පමණ බව ආපදා කළමනාකරණ මධ්‍යස්ථානය පවසයි.
අද දිනයේ ද බස්නාහිර, සබරගමුව, මධ්‍යම සහ වයඹ පළාත්වලත් ගාල්ල හා මාතර දිස්ත්‍රික්කවලත් ඇතැම් ස්ථානවලට මි.මී. 150ක තද වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි. යාපනය, මන්නාරම සහ මුලතිව් දිස්ත්‍රික්කවලට උදෑසන කාලයේදී වැසි ඇතිවීමේ ඉඩකඩ පවතියි.
බොහෝ ගංගා සහ ජලාශ ආශ්‍රිත ජල මිනුම් ස්ථානවල ජල මට්ටම් සාමාන්‍ය තත්වයක පවතින බව වාරිමාර්ග දෙපාර්තමේන්තුව පවසයි.
තව දුරටත් වැසි සහිත කාලගුණය පවතින බැවින් අවධානයෙන් පසුවන ලෙස ජනතාව දැනුවත් කරයි.