දේශීය ආදායම් පනත සංශෝධනය කර නව පනතක් සකස් කර ලෙස ජාත්‍යන්තර මූල්‍ය අරමුදල (IMF) දන්වා ඇති අතර ඒ පිළිබදව යෝජනාවලියක් IMF නියෝජිතයන් විසින් දේශීය ආදායම් දෙපාර්තමේන්තුවේ ඉහළ නිලධාරීන්ට ලබා දී ඇති බව පැවසේ.
ජාත්‍යන්තර මූල්‍ය අරමුදලේ නියෝජිතයන්, දේශීය ආදායම් දෙපාර්තමේන්තුවේ ඉහළ නිලධාරීන්ට යොමු කිරීමේ සම්බන්ධීකරණය සිදුකර ඇත්තේ මුදල් අමාත්‍යාංශ විසිනි.
දැනට පවතින දේශීය ආදායම් පනත හා IMFයෝජනාවලිය සංසන්දනය කර ඒ පිළිබදව වාර්තාවක් ලබා දෙන ලෙස දේශීය ආදායම් දෙපාර්තමේන්තුවේ ඉහළ නිලධාරීන්ට දන්වා ඇති අතර, කෙටි කලකින් එවැනි නිරීක්ෂණයන් ලබාදිය නොහැකි බව එම නිලධාරීන් පවසා ඇත.