අධිකරණයට අපහාස කිරීමේ චෝදනාවට බන්ධනාගාරගත කර සිටි අද දිනයේ ඇප නියම වූ බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඤාණසාර හිමි හෙට දිනය දක්ව යළිත් රක්ෂිත බන්ධනාගාර ගත කිරීමට හෝමාගම මහේස්ත්‍රාත්වරයා නියෝග කරනු ලැබුවා.
ඒ ප්‍රගීත් එක්නැලිගොඩගේ බිරිදට තර්ජනය කළේ යැයි පැවසේන චෝදනාවටයි.
මේ අතර බන්ධනාගාරගත කර සිටි සිංහල රාවය සංවිධානයේ ලේකම් පූජ්‍ය මාගලකන්දේ සුදත්ත හිමියන්ද නැවත වරක් ලබන 16 වනදා දක්වා රක්ෂිත බන්ධනාගාරගත කිරීමට හෝමාගම අධිකරණය නියෝග කරනු ලැබුවා.
අධිකරණය ඉදිරිපිට කලහකාරී ලෙස හැසිරුණු බවට චෝදනා ලද උන් වහන්සේ ඇතුළු තවත් හිමිවරුන් කිහිප දෙනෙකු මෙසේ රක්ෂිත බන්ධනාගාර ගත කරන ලදී.
Published on: Feb 9, 2016 @ 03:15
බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඥානසාර හිමියනට හෝමාගම මහේස්ත්‍රාත් රංග දිසානායක මහතා ඇප නියම කළේය. රුපියල් ලක්ෂය බැගින් ඇප කරුවන් දෙදෙනෙකු ඉදිරිපත් කරන ලෙස ඥානසාර හිමියනට නියෝග කළේය.
අප්‍රකට මාධ්‍යවේදී ප්‍රගීත් එක්නැලිගොඩ අතුරුදන් වීම සම්බන්ධයෙන් වූ නඩුව අවස්ථාවේ අධිකරණයට අපහාස වන ලෙස හැසිරුණැයි සැක පිට ඥානසාර හිමියන් රිමාන්ඩ් භාරයේ සිටියේය.
පැමිණිල්ල ලබන 23 වැනිදාට කල් තැබිණි.