පසුගියදා තෙල්දෙණිය ප්‍රදේශයේ සිදුවූ නොසන්සුන්තාවයට සැකපිට අත්අඩංගුවට ගෙන ඇප ලබා නොදී දිගින් දිගටම අසාධාරණ ලෙස සිරගත කර සිටින සිංහලයන්ට ඇප ලබා ගැනීමසඳහා මැදිහත් වෙන ලෙස බොදු බල සේනා සංවිධානයේ මහ ලේකම් රාජකීය පණ්ඩිත ගලගොඩඅත්තේ ඥානසාර හිමි කෝට්ටේ සංඝ සභාවේ මහනායක ඉත්තෑපානේ ධම්මාලංකාර මහනායක හිමිගෙන් ඉල්ලීමක් සිදුකර තිබෙනවා. ඒ පසුගිය 2 වෙනිදා මහනායක හිමි බැහැදැකීමට වැඩමකළ අවස්ථාවේදීයි.
පරීක්ෂණ කරන බවට අධිකරණයට දැන්වා අත්අඩංගුවට ගත් පුද්ගලයින් දිගින් දිගටම සිර කර තැබීමට කටයුතු නොකොට ඔවුන්ට විරුද්ධව චෝදනා තිබේනම් කඩිනමින් නඩු පවරා ඇප ලබාගැනීමට අවස්ථාව සැලසීම සඳහා බලධාරීන්ගේ අවධානය යොමු කරවන ලෙස ඥානසාර හිමි මෙහිදී ඉල්ලා ඇත.