ජා-ඇළ සුරාබදු ඒකකය ඔන්ලයින් ක්රමය ඔස්සේ නීතිවිරෝධී ලෙස මෙරටට ඉලෙක්ට්රොනික් සිගරට් ගෙන්වා අලෙවි කළ ජාලයක් වැටලීමට සමත්වී තිබේ.
එහිදී පානදුර ප්රදේශයේ පදිංචි 25 හැවිරිදි සැකකරුවෙක් අත්අඩංගුවට ගෙන ඇත.
ජා-ඇළ සුරාබදු අධිකාරී ප්රිමේෂ් ප්රනාන්දු මහතා සඳහන් කළේ රුපියල් ලක්ෂ 30ක ඊ සිගරට් තොගයක් මෙලෙස වටලා ඇති බවත් ඉන් රුපියල් කෝටි 10ක බදු ආදායමක් රජයට අහිමිවී ඇති බවත් ය.
මෙම ඊ සිගරට් සඳහා තරුණ ප්රජාව සහ දරුවන් වැඩි වශයෙන් ඇබ්බැහි වෙමින් ඇති බවත් මෙය භයානක තත්ත්වයක් බවත් ඔහු පැවසීය.
“මෙය දුම්වැටිවලට වඩා දරුණු ඇබ්බැහිකාරකයක්. ඊ සිගරට් බොනවා කියලා හොයා ගන්නවත් බැහැ. විවිධ සුවඳවල් තමයි නිකුත් වෙන්නේ. මෙවැනි සුවඳක් ඔබේ දරුවා ළඟින් එනවා නම් කරුණා කරලා සොයා බලන්න. මෙම ඊ සිගරට් විවිධ ආකාරයට නිෂ්පාදනය කරලා තියෙනවා. ඇතැම් විට අතේ බඳින ස්මාර්ට් වොච් එකක් ආකාරයෙන්, කරේ දාන පටියක් ආකාරයෙන් ආදී වශයෙන් පැහැදිලිව හඳුනාගන්න බැරි ආකාරයට නිෂ්පාදනය කර තිබෙනවා.”
ජා-ඇළ සුරාබදු අධිකාරී ප්රිමේෂ් ප්රනාන්දු මහතා වැඩිදුරටත් මෙසේ සදහන් කලේය.