Colombo Today Local News

දකුණට සිංහ නාද උතුරට බලු කෙඳිරිලි | කොටි සැමරූ සුමන්තිරන් වහා අත්අඩංගුවට ගන්නැයි ඥානසාර හිමියෝ කියති.

අධිකරණය මගින් මහවිරු සැමරීම වලක්වා ඇති අවස්ථාවක පුදුම සහගත ලෙස අධිකරණ නියෝගය ලබාදී පැය 24ක් යාමට මත්තෙන් 1954 වසරේ ඉපදුන 1985 වසරේ මියැදුණු කැප්ටන් පාන්ඩිතර් නැමැත්තාගේ නිවසට ගොස් මහා විරු සැමරීම සිදුකර එහි ඡායාරුප තමාගේ facebook පිටුවට එක් කිරීමට දෙමල ජාතික සන්ධාන පාර්ලිමේන්තු මන්ත්‍රී එම් ඒ සුමන්තිරන් විසින් කටයුතු කර ඇති බව බොදු බල සේනා සංවිධානයේ නායක රාජකීය පණ්ඩිත ගලගොඩඅත්තේ ඥානසාර හිමි අද (22) පැවති මාධ්‍ය හමුවකදී පැවසීය.

මේ අධිකරණ නියෝගය කඩ කරපු සුමන්තිරන් අත්අඩංගුවට නොගන්නේ මන්දැයි රජයෙන් ප්‍රශ්න කර සිටි ඥානසාර හිමි “දකුණට සිංහ නාද උතුරට බලු කෙඳිරිලි” යැයි පැවසීය.

නීතිඥවරයෙක් ලෙස මෙන්ම පාර්ලිමේන්තු මන්ත්‍රීවරයෙක් ලෙස දිවුරුම් දීමේදී රට බෙදුම්වාදයකට ත්‍රස්තවාදයකට තුඩු දෙන ක්‍රියාකාරකමක නොයෙදෙන බවත් එවැනි ක්‍රියාවකට අනුබල නොදෙන බවටත් දිවුරුමක් ලබා දෙන බව පැවසූ ඒ හිමියෝ “පාර්ලිමේන්තු මන්ත්‍රීවරයෙක් ලෙස මෙන්ම නීතිඥවරයෙක් ලෙස සපයන ආදර්ශය මෙයනම් අර හැගීම් බර වෙච්ච, කැලෑවල ජීවත් වුනු දමිල තරුණයෝ අවි අතදැරීමට සිත් පෙළඹවීමක් සිද්ධ වන්නට ඉඩ නැද්ද? ඒ නිසා වහාම අපි ආණ්ඩුවෙන් ඉල්ලා සිටිනවා සුමන්තිරන්ට නීතිය ක්‍රියාත්මක කරන්න” යැයි සඳහන් කරන ලදි.

මෙහිදී වැඩිදුරටත් අදහස් දැක්වූ ඥානසාර හිමියෝ…

“විශේෂයෙන්ම සහෝදර දෙමල හිංදු ජනතාවගෙන් ඉල්ලා සිටිනවා සුමන්තිරන්ලා අටවන මර උගුල්වලට හසු වෙන්න එපා කිලයා. මොකද මේ කාලකන්නි යුද්ධය නිසා දෙමල සමාජය කඩාගෙන වැටුනා. අපි ඔවුන් සමග ඉතා හොඳ සම්බන්ධතාවයක් ගොඩනගා ගනිම්න් ඉන්න අවස්ථාවක සුමන්තිරන් වැනි අවස්ථාවාදී දේශපාලකයන් නිසා තවමත් අවි අත දැරීමට බලාපොරොත්තුවෙන් සිටින අඳුරු සෙවනැලිවලට උත්තේජනයක් ලැබෙනවා. ඒ නිසා වහා නීතිය ක්‍රියාත්මක කරන්න කියලා අපි මතක් කරන්න අවශ්‍යයි.”

Related posts

රටට ජාතියට තර්ජිත ත්‍රස්තවාදියෙකැයි කියා රාජ්‍ය බුද්ධි අංශ ගෝඨා පිටුපස පන්නයි

colombotoday

රාජ්‍ය ආදායම ගසාකන හොර පනත හකුලා ගනු.. රවීගේ රේගු පනතට රේගු සංගම් විරෝධය

colombotoday

ආපදා කළමනාකරණ අංශ නිල වෙබ් අඩවිය එළිදකී

Admin

රනිල් වික්‍රමසිංහ පැරදිලා ලෝක වාර්තා තැබූ පුද්ගලයෙක් : Video

colombotoday

එළදෙනුන් ගැබ් ගැනීම වසර පහක් තිස්සේ අඩාල වෙලා – දේශීය කිරිපිටි නිෂ්පාදනයේ අඩුවීමක්

colombotoday

පල්ලිවාසල්තුරේ වෙරළේ සගවා තිබු ලක්ෂ 75ක කහ තොගය

colombotoday