කොරෝනා වෛරසය හේතුවෙන් මියයන මළ සිරුරු මාලදිවයිනේ භූමිදානය කිරීම අවශ්‍ය නැති බව හිටපු පාර්ලිමේන්තු මන්ත්‍රී අලි සහීර් මවුලානා ප්‍රකාශ කල බව අල් ජසීරා වෙබ් අඩවිය වාර්තා කර සිටියි.
“අපට අවශ්‍ය වන්නේ අපේම භූමියේ මිහිදන් කිරීමටයි.” යනුවෙන් පවසා ඇති අලි සහීර් මවුලානා “ඇත්ත වශයෙන්ම, මාලදිවයින් රජය එය පිළිගැනීම සතුටක් නමුත් එය අපේ ජනතාවට සිදුකරන කනේ පහරකි. අපි හැමෝම මෙහේ ඉපදුණා, අපි මෙහේ ජීවත් වුනා, අපිට මෙතන මැරෙන්න ඕන.” යැයි වැඩිදුරටත් පවසා ඇත.
ශ්‍රී ලංකා මුස්ලිම් කොන්ග්‍රසයේ ප්‍රභල චරිතයක් වූ අලි සහීර් මවුලානා මෑතකදී එම පක්ෂයෙන් ඉවත්ව සජිත් ප්‍රේමදාස මහතාගේ නායකත්වයෙන් යුත් සමගි ජන බලවේගය සමග එක්ව සිටියි.