යාපනය – පේදුරුතුඩුව පාරේ වඩමාරච්චි ප්‍රදේශයේ මාර්ග බාධකයක රාජකාරියේ සිටි පොලිස් නිලධාරීන් යටකර පලායාමට උත්සාහ කළ කැබ් රථයකට සිදු කළ වෙඩි තැබීමකින් දෙදෙනකු තුවාල ලබා ඇතැයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.
ස්වාභාවික වැලි නිධියක් ආරක්ෂා කර ගැනීම සඳහා මෙම මාර්ග බාධකය පවත්වාගෙන යන බව මාධ්‍ය ප්‍රකාශකවරයා කිය.
වැලි නිධිය පිහිටි ප්‍රදේශයේ සිට පැමිණි කැබ් රථයකට නැවතීමට කළ සංඥා කළ අවස්ථවේ පොලිස් නිලධාරීන් යටකර පළා යෑමට තැත් කළ අවස්ථාවේදී කැබ් රථය මාර්ග බාධක දෙකක් කඩගෙන ඉදිරියට ධාවනය කිරීමේදී මෙම වෙඩි තැබීම සිදුකර ඇතැයි මාධ්‍ය ප්‍රකාශකවරයා පවසයි.
එම වෙඩි ප්‍රහාර මධ්‍යයේ නොනවත්වා ධාවනය කර තිබූ කැබ් රථයේ සිටි පුද්ගලයන් දෙදෙනකු පේදුරුතුඩුව රෝහලට ඇතුළත් වි ඇති අතර ඔවුන් වෙඩි වැදීම් තුවාල ඇති බවට සනාථ වී ඇතැයිද ඔවුන් වයස අවුරුදු 23 සහ 26 බවට වාර්තාවි මාධ්‍ය ප්‍රකාශක වරයා කීය.
ඔවුන් ගමන් ගත් කැබ් රථය සොයා මේ වන විට පේදුරුතුඩුව පොලීසිය මගින් පරීක්ෂණ ආරම්භ කර ඇතැයි ද මාධ්‍ය ප්‍රකාශකවරයා සඳහන් කළේය.