කාන්තාවන් තිදෙනෙක් අතර ඇතිවූ ගැටුමකින් එක් කාන්තාවක් ජිවිතක්ෂයට පත්ව ඇති බව හැටන් දිඹුලපතන පොලිසිය පවසයි.
මෙසේ ජිවිතක්ෂයට පත්වී ඇත්තේ හැටන් කොටගල ෆොරස්ට් ක්‍රීක් වතු යායේ පදිංචි විශ්වනාදන් අම්මා නැමති කාන්තාවක්.
පහරදුන්නේ යැයි කියන කාන්තාවන් දෙදෙනා මව සහ දියණිය බවත් ජිවිතක්ෂයට පත් 42 හැවිරිදි කාන්තාව කොටගල ෆොරස්ට් ක්‍රීක් වතු යායේ එකම වතු නිවාස පේළියක පදිංචිකරුවන් බවත් සඳහන්ය.
අද (19)දින උදෑසන 11.30ට පමණ ඇතිවූ බහින් බස් වීමක් දුර දිග යාමෙන් සැකකාර මව සහ දියණිය විසින් මුගරකින් පහර දී විශ්වනාදන් අම්මා නැමති කාන්තාව ඝාතනය කර තිබේ.
සැකකාරිනියන් අත්අඩංගුවට ගත් බව දිඹුලපතන පොලිසිය සඳහන් කරයි.