බදුල්ල – බණ්ඩාරවෙල මාර්ගයේ දී සිදුවු රිය අනතුරකින් අවුරුදු 2ක් වයසැති දැරියක් ජීවිතක්ෂයට පත්ව තිබේ.
යතුරුපැදියක් ලොරි රථයක් පසුකර යෑමේ දී යතුරුපැදිකරුට පාලනය කරගත නොහැකිව මාර්ගයේ පෙරළී ගොස් එම ලොරි රථයේ ගැටී අනතුර සිදුව ඇතැයි පොලීසිය පවසයි.
අනතුරින් තුවාල ලැබු පැදිකරු, පසුපැදිකාරිය හා කුඩා දැරිය බණ්ඩාරවෙල රෝහලට ඇතුළත් කිරීමේ දී දැරිය ජීවිතක්ෂයට පත්ව ඇත.
එලෙස මියගොස් ඇත්තේ කහබිලිය, දියතලාව ප්‍රදේශයේ පදිංචිකාරියකි.
තුවාල ලැබු මව සහ පියා රෝහල්ගතව ප්‍රතිකාර ලබයි.
බණ්ඩාරවෙල පොලීසිය වැඩිදුර විමර්ශන පවත්වයි.