Colombo Today Local News

ශ්‍රී ලංකා වෛද්‍ය සභාවේ නව නිලධාරීන් තෝරා පත්කර ගැනීමේ නිලවරණයට එරෙහිව වාරණ නියෝගයක්

ශ්‍රී ලංකා වෛද්‍ය සභාව සඳහා නව නිලධාරීන් තෝරා පත්කර ගැනීම සඳහා වූ නිලවරණය පැවැත්වීම වළක්වාලමින් කොළඹ දිසා අධිකරණය වාරණ නියෝගයක් නිකුත්කර තිබේ.

මේ මස 30 සහ 31 වනදා එය පැවැත්වීමට නියමිතය.

එම නිලවරණය සඳහා නාමයෝජනා ඉදිරිපත් කිරීමෙන් පසුව එම නාමයෝජනාව ප්‍රතික්ෂේප කෙරුණු වෛද්‍ය රයන් ජයලත් මහතා විසින් ඉදිරිපත්කළ පැමිණිල්ලක් විභාග කළ කොළඹ දිසා විනිසුරු අරුණ අලුත්ගේ මහතා විසින් මෙම වාරණ නියෝගය නිකුත් කර තිබේ.

එම වාරණ නියෝගය ලබන 16 වනදා තෙක් බල පැවැත්වේ.

පැමිණිලිකාර වෛද්‍යවරයා සඳහන් කරන්නේ ශ්‍රී ලංකා වෛද්‍ය සභාවේ නිලධාරීන් තෝරාගැනීමේ නිලවරණය සඳහා තමන් විසින් ඉදිරිපත් කළ නාමයෝජනා පත්‍රය එම සභාව විසින් ප්‍රතික්ෂේප කළ බවය.

මෙසේ සිය නාමයෝජනා පත්‍රය ප්‍රතික්ෂේප කිරීමට වෛද්‍ය සභාව ගනු ලැබූ තීරණය නීතියට පටහැනි බව ඔහු කියා සිටී.

එබැවින් තම පැමිණිල්ල විභාගකර අවසන් තීන්දුවක් ප්‍රකාශයට පත්කරන තුරු ‍ශ්‍රී ලංකා වෛද්‍ය සභාව සඳහා නව නිලධාරීන් තෝරා ගැනීමේ නිලවරණය පැවැත්වීම වළක්වාලමින් වාරණ නියෝගයක් නිකුත් කරන ලෙස ඉල්ලමින් වෛද්‍ය රයන් ජයලත් මහතා විසින් මෙම පැමිණිල්ල ඉදිරිපත් කර තිබුණි.

Related posts

චෙන්නායි ශ්‍රී ලංකා තානාපති කාර්යාලයට කොටි හිතවාදීන් කඩා පනී !

colombotoday

ශ්‍රී ලාංකික කතුන් 9කට මැදපෙරදිගදී මරණ දඩුවම

colombotoday

අවසන් තරගයේදී ශ්‍රී ලංකා කණ්ඩායමේ වෙනසක්

Admin

“රාජපක්ෂව ඉවත් කිරීම ‍හොද ක්‍රියාවක්.. ලංකාවේ අර්බුදය විසදන්න දැන් තමයි හොදම වෙලාව” – එරික් සෝල්හයිම්

colombotoday

කොරෝනා මරණ ආදාහනය පිළිබඳව කාදිනල්තුමාට කිසිදු ගැටළුවක් නෑ.

colombotoday

බැන් කී මූන් සමග සාකච්ඡාවට විග්නේෂ්වරන්ට ඇරයුම් නෑ

colombotoday