අදෘශ්‍යමාන බලවේග හේතුවෙන් ආබාධයට ලක්ව ඇතැයි කියමින් සිදුකළ ශාන්තිකර්මයක් අතරතුර 9 හැවිරිදි දැරියක් මියගොස් තිබේ.
මීගහවත්ත ප්‍රදේශයෙන් මෙම සිද්ධිය වාර්තාවන අතර අදාළ ශාන්තිකර්මය සිදුකළ කාන්තාවක් මීගහවත්ත පොලිසිය විසින් අත්අඩංගුවට ගෙන ඇත.
අදාළ දැරිවියගේ පවුලේ අය අදෘශ්‍යමාන බලවේග හේතුවෙන් ආබාධයට ලක්ව ඇතැයි කියමින් ශාන්ති කර්මයක් සිදුකරගැනීමට ගොස් ඇති අතර ශාන්ති කර්මය අතරතුර තෙල් සත්කාරයක් සිදුකර තිබේ.
පසුව ශාන්තිකර්මය සිදුකළ කාන්තාව විසින් ඇයට වේවැලකින් පහර දී තිබේ. එම අවස්ථාවේදී දැරිවිය සිහසුන් වී ඇති අතර පසුව දැරිවිය බියගම රෝහලට ඇතුළත් කර ඇත.
ඒ වන විටත් දැරිවිය මියගොස් තිබූ බවයි පැවසෙන්නේ.
අදාළ සිද්ධිය සම්බන්ධයෙන් මීගහවත්ත පොලීසිය වැඩිදුර විමර්ශන සිදුකරයි.