ලෝක වෙළෙඳපොළේ ගෑස් මිල ඉහළ යාමත් සමග මෙරට භාවිතයට ගැණෙන ගෘහස්ථ ගෑස් සිලින්ඩරයක මිල ද ඉහළ නංවන ලෙස ගෑස් සමාගම් ඉල්ලීමක් කර තිබේ.
වර්තමානයේ පවතින තත්ත්වය තුළ ලෝක වෙළෙඳපොළේ ගෑස් මිල ශීඝ්‍රයෙන් ඉහළ ගොස් ඇති බව එම සමාගම් පෙන්වාදෙයි.
ඒ අනුව ඊට සමගාමීව මෙරට ගෘහස්ථ ගෑස් සිලින්ඩරයක මිල ද ඉහළ නංවන ලෙස තමන් රජයෙන් ඉල්ලීමක් කර ඇති බව එම සමාගම් සඳහන් කරයි.
කිලෝග්‍රෑම් 12.5 ගෘහස්ථ ගෑස් සිලින්ඩරයක් මේ වන විට මෙරට තුළ අලෙවි කරනු ලබන්නේ රුපියල් 1,493කට බව පෙන්වාදෙන එම සමාගම් එය අවම වශයෙන් රුපියල් 1,900 දක්වා හෝ වැඩි කළ යුතු බව සඳහන් කර තිබේ.
වර්තමානය වන විට මෙරටට ගෑස් ආනයනය කරනු ලබන්නේ සෞදි අරම්කෝ මිල දර්ශකයට වන අතර අද දිනයේ සිට ප්‍රොපේන් මෙට්‍රික් ටොන් එකක මිල අමෙරිකානු ඩොලර් 605 ක් දක්වා ඉහළ දමා ඇති බව සඳහන් වේ.