කරවනැල්ල රෝහලේ සේවය කරන වෛද්‍යවරු පස් දෙනෙකුට 23 වැනිදා කොරෝනා වෛරසය ආසාදනය වී ඇති බව රුවන්වැල්ල සෞඛ්‍ය වෛද්‍ය නිලධාරී කාර්යාලය පවසයි.
මෙම රෝහලේ සේවය කරන වෛද්‍යවරියකට කොරෝනා වෛරසය ආසාදනය වීම හේතුවෙන් රෝහලේ සේවය කරන වෛද්‍යවරු තිස් දෙනෙකු පී.සී.ආර්. පරීක්ෂණයකට යොමු කර ඇති අතර එම පරීක්ෂණයේදී වෛද්‍යවරු පස් දෙනෙකුට කොරෝනා බවට තහවුරු වී ඇත.
මේ අනුව කරවනැල්ල මූලික රෝහලේ බාහිර ප්‍රතිකාර ඒකකයේ ප්‍රතිකාර කිරීම සීමා කර ඇති අතර අනිකුත් සේවාවන් සාමාන්‍ය පරිදි පවත්වා ගෙන යන බව රෝහලේ ප්‍රකාශකයෙක් පැවසීය.