මුහුදුබඩ දුම්රිය මාර්ගයේ අම්බලන්ගොඩ උඩුවරාගොඩදි දුම්රියක ගැටි පුද්ගලයකු ජීවිතක්ෂයට පත්වී ඇති බව අම්බලන්ගොඩ පොලීසිය කියයි.මුහුදු බඩ දුම්රිය මාර්ගයේ කොළඹ සිට ගාල්ල දක්වා ගමන් ගත් රාත්‍රී තැපැල් දුම්රියේ මේ පුද්ගලයා ගැටී ඇත්තේ ඊයේ (24)දින රාත්‍රීයේ බවද පොලීසිය කියා සිටි.
අනතුරින් ජීවිතක්ෂයට පත්වී ඇත්තේ අම්බලන්ගොඩ කහව උඩුවරාගොඩ පදිංචි 52 හැවිරිදි නීල් ශාන්ත නමැත්තෙකි.
නිවාස ආසන්නයේ ඇති දුම්රිය මාර්ගයේ වාඩිවී ඔහු මත් පැන් පානය කර ඇති අතර ඔහුට දුම්රිය මාර්ගයේම නින්ද ගොස් ඇති බවයි මූලික පරීක්ෂණයේදී අනාවරණය වී ඇත්තේ.
මේ සම්බන්ධ මරණ පරීක්ෂණය අද (25)දින බලපිටිය මූලික රෝහලේදී පැවැත්වීමට නියමිතය.
අම්බලන්ගොඩ පොලීසිය මේ පිලිබදව වැඩිදුර පරීක්ෂණ පවත්වයි.