කල්මුනේ අශ්රොෆ් රෝහලේ වෛද්‍යවරියකගේ මව කොවිඩ් රෝග ලක්ෂණ සහිතව පසුගිය 10 වනදා කල්මුනේ අශ්රොෆ් රෝහලට ඇතුලත් කර ඇත. කෙසේවෙතත් PCR පරීක්ෂණය සිදු නොකර ඇය රෝහලට ඇතුලත් කරගැනීමට වෛද්‍ය දියණිය ක්‍රියා කර ඇත.
කෙසේ වෙතත් රෝහලේ වෙනත් වෛද්‍යවරයෙකු මෙම කාන්තාවට රැපිඩ් ඇන්ටිජන් පරික්ෂාව සිදුකර ඇති අතර එයින් ඇය කොරෝනා රෝගියෙකු බව තහවුරු වී ඇත.
ඊට පසුදින කොරෝනා නිව්මොනියා තත්වය හේතුවෙන් ඇය මියගොස් ඇත. මරණය සිදුවීමේ පසුව වෛද්‍ය දියණිය විසින් රෝහල් අධිකාරීවරයාට පැමිණිලි කර යලි PCR පරීක්ෂණයක් සිදුකිරීමට උත්සහ දරා ඇත. ක්‍රමවේදයට විරුද්ධව මෙම මරණය සම්බන්ධයෙන් ක්‍රියා කිරීම රෝහලේ අනෙකුත් වෛද්‍යවරු විරෝදය පළකර ඇත.
ගුරුවරියක වන මියගිය කාන්තාවගේ සිරුර පරීක්ෂණ කිරීම සඳහා හදිසි මරණ පරීක්ෂකට යොමු කර ඇති අතර ඔහු අදාළ වෛද්‍යවරියගේ මිතුරෙකු ලෙස වාර්තා වෙයි.
මේ වන විට වෛද්‍යවරිය නිරෝදායනයට යොමු කර ඇති අතර මියගිය තැනැත්තියගේ සිරුර රෝහල් මෘත ශරීරාගාරයේ තැන්පත් කර ඇත.