දූෂණ වංචා ගැන කියද්දී රටේ ලෝකේ අය තමන්ට හිනාවෙන බව පාර්ලිමේන්තු මන්ත්‍රි රංජන් රාමානායක මහතා ප්‍රකාශ කර තිබේ. ඔහු මේ බව පවසා ඇත්තේ පසුගිය දිනක අයවැය පිළිබදව ආණ්ඩු පක්ෂ මන්ත්‍රීවරුන්ට පැවැත්වූ නේවාසික වැඩමුළුවකදීය. ‘පසුගිය මාස දහයට කාවද ඇල්ලුවේ, කාවද හිරේ දැම්මේ කියල මිනිස්සු අහනවා. දැන් අපි මොනව කීවත් මිනිස්සු ගණන් ගන්නේ නැ’ යනුවෙන්ද මන්ත්‍රීවරයා එහිදි පවසා ඇත.
රන්ජන් මෙසේ ප්‍රකාශ කර ඇත්තේ එම වැඩමුළුවේදී අමාත්‍ය රවී කරුණානායක මහතා විසින් පසුගිය රජය සම‍යේ ලංකා ගමනා ගමන මණ්ඩලයේ සිදුවූ මහා පරිමාණ දූෂණයක් ගැන කරුණු කියූ අවස්ථාවේදීය.
කොළඹ දිස්ත්‍රික් එජාප පාර්ලිමේන්තු මන්ත්‍රී එස්.එම් මරික්කාර් මහතා එම අවස්ථාවෙදී ‘මේ චෝදනාවත් තවත් එක මාධ්‍ය සංදර්ශනයක් පමණක් වේවි. මාධ්‍යවලින් සද්දෙ දාල විමර්ශන පටන් ගන්නවා. නමුත් අන්තිමට නටපු තොවිලෙකුත් නෑ බෙරේ පළුවකුත් නෑ’ යනුවෙන් පවසා ඇත.