Colombo Today Local News

කතරගම චාරිකාවක ගිය නවගමුවේ නඩයට වැල්ලවායේ ගම්මු එක්වී මහ පාරේ දණ ගස්වා දුන් සංග්‍රහය (PHOTOS)

වැල්ලවාය හදපානාගල ප්‍රදේශයේ දී ඊයේ (28)දින පස්වරුවේ දී දෙපිරිසක් අතරඇති වූ ගැටුමකින් පුද්ගලයන් හයදෙනකු තුවාල ලබා රෝහල් ගත කර ඇති බව වැල්ලවාය පොලිසිය පවසයි.

නවගමුව ප්‍රදේශයේ සිට කතරගම දක්වා විනෝද චාරිකාවක් පැමිණි පිරිසක් වැල්ලවාය හදපානාගල ප්‍රදේශයේ දී මත්පැන් සාදයක් පවත්වා එම ප්‍රදේශයේ පදිංචි ගම්වැසියන් දෙදෙනෙකුට පහරදී ඔවුන්ගේ යතුරු පැදියට හානි සිදුකර තිබේ.

මෙම සිද්ධිය ආරංචි වූ හදපානාගල ප්‍රදේශයේ ගම්වාසීන් විසින් එම සිද්ධිය වූ ස්ථානයට පැමිණ පහර දීමට සම්බන්ධ විනෝද චාරිකාවේ පැමිණි පිරිස දණ ගස්සවා පහරදී ඇති බවයි පොලිසිය සඳහන් කළේ.

ගම්වැසියන් දෙදෙනාට පහර දුන් අයට පමනක් මෙහිදී ගම්වැසියන් විසින් පහර දී තිබෙන අතර විනෝද චාරිකාවේ පැමිණි සිද්ධියට සම්බන්ධ නොවූ කිසිවෙකුට හෝ ගම්වැසියන් පහරදී නොමැත. එසේම ඔවුන් පැමිණි බස් රථයටද කිසිදු හානියක් සිදු කර නොමැත.

පහර කෑමෙන් තුවාල ලැබූ පිරිස අතර විනෝද චාරිකාවේ පැමිණි පුද්ගලයන් සිව්දෙනෙකු සහ ගම්මානයේ දෙදෙනකු වන බව වැල්ලවාය පොලිසිය සඳහන් කර සිටියි.

තුවාල ලැබූ පුද්ගලයින් මේ වන විට මොණරාගල මහ රෝහලේ සහ හදපානාගල ප්‍රාදේශීය රෝහලේ නේවාසිකව ප්‍රතිකාර ලබමින් සිටීන අතර වැල්ලවාය පොලිසිය සිද්ධිය සම්බන්ධයෙන් විමර්ශන ආරම්භ කොට තිබේ.

Related posts

මානව හිමිකම් කේන්ද්‍රය ධම්මික පෙරේරාගේ වත්කම් ප්‍රකාශ ඉල්ලයි

colombotoday

ජනපති පාර්ලිමේන්තු සැසිය අවසන් කල හේතුව අනුර කියයි

colombotoday

කිලිනොච්චිය හමුදා කඳවුර ඉදිරිපිට තිබු බෝම්බය ?

colombotoday

ශ්‍රී ලාංකික තබ්ලිග් ජමාත් දෙදෙනෙක් ඉන්දීය පොලිස් අත්අඩංගුවට

colombotoday

බදියුදීන්ගේ දොස්තර සිංහල මව්වරුන්ට වද සැත්කම් කළ බවට සාධක හෙළි වෙයි….

colombotoday

හිටපු පොලිස් නිලධාරියෙක් ගස් බැඳ පහර දී ඝාතනය කරලා

Admin