සංවිධානාත්මක අපරාධකල්ලි සාමාජිකයෙකු වන කෙසෙල්වත්තේ දිනුකගේ සමීපතමයින් දෙදෙනෙකු කඩවත ප්‍රදේශයේ දී අත්අඩංගුවට ගෙන තිබේ.
දිනුකගේ මත්ද්‍රව්‍ය ජාවාරම් මෙහෙයවූ බව කියන මෙම සැකකරුවන් දෙදෙනා පොලිස් විශේෂ කාර්ය බලකා සංවිධානාත්මක අපරාධ මර්දන ඒකකයේ නිලධාරීන් විසින් අත්අඩංගුවට ගෙන ඇති බව වාර්තා වේ.
මින් එක් සැකකරුවෙකු සතුව තිබී හෙරොයින් ග්‍රෑම් 11යි මිලිග්‍රෑම් 180ක් සහ කඩුවක් සොයාගෙන ඇති අතර අනෙක් සැකකරු සතුව තිබී හෙරොයින් ග්‍රෑම් 1යි මිලිග්‍රෑම් 100ක් සොයාගෙන තිබේ.
සැකකරුවන් දෙදෙනා වැඩිදුර විමර්ශන සඳහා කඩවත පොලිස් ස්ථානයට භාරදුන් බව විශේෂ කාර්ය බලකාය පැවසීය.