ඉන්දියාවේ කොරොන වයිරස් රෝගීන් විශාල ප්‍රමාණයක් වයස අවුරුදු 21-40 අතර කාණ්ඩවල සිටින බව මධ්‍යම රජය සෙනසුරාදා තහවුරු කළේය.
ඉන්දියාවේ කොවිඩ් -19 තත්ත්වය පිළිබඳව මාධ්‍ය හමුවක් පවත්වමින් එරට සෞඛ්‍ය අමාත්‍යාංශය පැවසුවේ ඉන්දියාවේ කොරොන වයිරස් රෝගීන්ගේ වයස් කාණ්ඩ පිළිබඳව විශ්ලේෂණය කිරීමෙදී පෙනී යන්නේ 42 % ක් වයස අවුරුදු 21-40 අතර කාණ්ඩයට අයත් බවයි.
මීළඟට වැඩිපුරම ආසාදනයට ලක්වී ඇති වයස් කාණ්ඩය වන්නේ වයස අවුරුදු 41 ත් 50 ත් අතර අය වන අතර එය වාර්තා වී ඇති සිද්ධීන්ගෙන් 33% ක් පමණ වේ.
වෛරස් ආසාදනය සඳහා වඩාත්ම අවදානම් කණ්ඩායම වන ජේෂ්ඨ පුරවැසියන් (60+) ඉන්දියාවේ කොවිඩ් -19 රෝගීන්ගෙන් 17% ක් පමණ වෙති.
වයස අවුරුදු 20 ට අඩු අයගෙන් 9 % ක් පමණක් කොරෝනා වෛරසය ආසාදනය වී ඇති බවට තහවුරු කරගත් බව සෞඛ්‍ය අමාත්‍යාංශය පවසයි.
රෝගීන්ගෙන් 83 % ක් වයස අවුරුදු 50 ට අඩු බැවින් තරුණ ඉන්දියානුවන්ට මෙම රෝගය වැළඳීමේ අවදානම වැඩිය.