දැනට සිරගතව සිටින බොදු බල සේනා සංවිධානයේ මහලේකම් රාජකීය පණ්ඩිත පූජ්‍ය ගලගොඩඅත්තේ ඥානසාර හිමිගේ සුවදුක් විමසීම සඳහා ධ්‍යම පළාත් ආණ්ඩුකාර මෛත්‍රී ගුණරත්න මැතිතුමා පසුගිය තිස් වන දා වැලිකඩ බන්ධනාගාරය වෙත පැමිණ සිටි අතර එහිදී ඔහු මාධ්‍ය වෙත අදහස් දැක්වූවා.
ඥාණසාර ස්වාමින්වහන්සේ, අධිකරනයෙන් වැරදිකාරයා කරලා ඇතුලට දැම්මත් උන්වහන්සේ කරපු සටන අද නිර්දෝෂී කියන එක බොහෝ දුරට ජනතාව පිළිගන්න තත්ත්වයකට ඇවිත් තියෙනවා.
අද තියෙන මේ සංකීර්ණ තත්ත්වය ගැන උන්වහන්සේගේ දැනුම ආරක්ෂක සහ බුද්ධි අංශ වලට පාවිච්චි කිරීමට හැකියාව ලැබීම මේ ප්‍රශ්නය සමනය කිරීමට හුඟක් උදව් වෙයි කියන එක මට විශ්වාසයි.
අපි කවුරු කවුරුත් ඒ ස්වාමින් වහන්සේ විසින් ප්‍රකාශ කරපු මතවාදයට ලොකු තැනක් දුන්නේ නැහැ. ඒ මතවාදය දැනගත්තා.. ඔක්කොමල දන්නවා.. නමුත් හිතුවේ නෑ ලංකාවේ මේ ප්‍රශ්නය මෙහෙම වෙයි කියල. ඒක තමයි සිද්ධ වෙලා තිබුණේ. එතකොට ඒකත් එක්ක උන්වහන්සේ එදා කියපු මතවාදයට මම හිතන විදිහට දැන් ලොකු වටිනාකමක් ලැබිලා තිබෙනවා.