අභ්‍යවකාශ සුන්බුන් තොගයක් ලබන මස 13 වැනිදා ලංකාවේ දකුණු මුහුදට කඩා වැටීමට නියමිත බව තාරකා විද්‍යාඥයෝ පවසයි. මේවා මොනවාදැයි යන්න තවමත් නිශ්චිත ලෙස හදුනාගෙන නොමැති අතර මීටර් 1-2 පමණ දිගැති ඉල්ප්සාකාර හැඩයක් ඇති මෙම සුන්බුන් කොටස නම් කර ඇත්තේ WT1190F ලෙසය. මෙම සුන්බුන් සද ගමනේදී හෝ කැඩීගිය අභ්‍යවකාශ යානා කොටස් විය හැකි බවද තාරකා විද්‍යාඥයෝ අනාවැකි පලකර තිබේ.
නොවැම්බර් 13 වැනිදා පස්වරු 11.50 ට මේවා කඩා වැටීමට නියමිත බවට තොරතුරු පවතින බැවින් එදිනට මුහුදු යෑමෙන් වළකින ලෙස ඇමරිකානු තාරකා විද්‍යාඥයන් අනතුරු අගවා තිබේ. පෘථිවි කක්ෂය තුළට එනවිට ඒවා ගිනිගැනීමට ඉඩ ඇතත් කුමන බලපෑමක් සිදුවේදැයි යන්න තවමත් පැහැදිළි අනාවැකික් පළ කළ නොහැකි බවද ඔවුහු සදහන් කරති.