රනිල් වික්‍රමසිංහ මහතා අගමැති ධුරයෙන් ඉවත් කිරීමත් සමඟ ජනාධිපති විශේෂ විමර්ශන අංශය මගින් පෙරේදා (27 දා) සෞඛ්‍ය අමාත්‍යාංශයට සීල් තබා ඇත.
මත භේදාත්මක ටෙන්ඩර් ගනුදෙනු අඩංගු ලිපි ලේඛන රැසක් සෞඛ්‍ය අමාත්‍යංශයෙන් රැගෙන යැමට උත්සාහ දරණ බවට පෙරේදා ජනාධිපති විමර්ශන ඒකකයට ලැබුණු තොරතුරක්‌ මත එම ඒකකයේ නිලධාරීන් කණ්‌ඩායමක්‌ පැමිණ සීල් තැබූ බව සෞඛ්‍ය අමාත්‍යාංශ අභ්‍යන්තර ආරංචි මාර්ග පැවැසීය.
රාජකාරී නිවාඩු දිනයක්‌ වූ පෙරේදා කිසියම් අයෙකුගේ උපදෙස්‌ මත ලිපි ලේඛන රැගෙන යැමට නිලධාරීන් පිරිසක්‌ පැමිණියාදැයි විශේෂ විමර්ෂණ ඒකකයේ අවධානය යොමු කර ඇති අතර සීල් තැබීමෙන් පසු කිසිවකුටත් ඇතුළුවීමට නොදෙන ලෙස එහි ආරක්‌ෂක අංශයට උපදෙස්‌ දී ඇත.
මේ අතර රාජ්‍ය ඖෂධ නීතිගත සංස්‌ථාවේ සභාපති සරත් ලියනගේ සහ කළමනාකාර අධ්‍යක්‍ෂ රූමි මොහොමඩ් යන මහත්වරුන්ට අයත් කාර්යාලවලටද සීල් තබා ඇතැයි එම ආරංචි මර්ග වැඩිදුරටත් පැවැසීය.
Divaina