ඒකාබද්ධ විපක්ෂයේ උද්ඝෝෂණකරුවන් පිරිසකට විෂ සහිත කිරිපැකට් දී ඇතැයි තහවුරු වුණොත් ඒ අයට උපරිම දඬුවම් දෙන බව පොලිස්පති පූජිත ජයසුන්දර මහතා ලංකාදීපයට පැවැසීය.
පොලිස්පති සහන මැදිරියට ලැබුණු පැමිණිල්ලක් අනුව මේ පිළිබඳව පරීක්ෂණයක් පවත්වන බවද පොලිස්පතිවරයා කීය.
සිද්ධිය පිළිබඳව පොලිස්පති සහන මැදිරියට පැමිණිල්ල පලකර ඇත්තේ මාතර ප්‍රදේශයේ පදිංචිකරුවෙකි.
කොළඹ දිසාබාර නියෝජ්‍ය පොලිස්පති ලලිත් පතිනායක හා කොළඹ මධ්‍යම ප්‍රදේශය බාර ජ්‍යෙෂ්ඨ පොලිස් අධිකාරි ඒ පනාමල්දෙණිය යන මහත්වරුන්ගේ අධීක්ෂණය යටතේ විශේෂ පොලිස් කණ්ඩායමක් මේ පිළිබඳව විමර්ශණ පවත්වයි.
පොලීසියට ලැබී ඇති මෙම පැමිණිල්ලට අනුව සැකකටයුතු කිරිපැකට් බෙදාදී ඇතැයි පැවසෙන්නේ කොළඹ යූනියන් ප්‍රදේශයේදී යැයි කොළඹ දිසාභාර නියෝජ්‍ය පොලිස්පති ලලිත් ඒකනායක මහතා ලංකාදීපයට පැවැසීය.