බන්ධනාගාර කිහිපයක දැනට උපවාසයක් අරඹා ඇති එල් ටී ටී ඊ සැකකරුවන්ගේ ඥාතීන් සහ හිතවතුන් පිරිසක් සමඟ පෙරටුගාමී සමාජවාදී පක්ෂයේ පිරිසක් විසින් කොටුව දුම්රියපොළ ඉදිරිපිටදී ඊයේ (14දා) පෙරවරුවේ විරෝධතා සත්‍යග්‍රහයක් පැවැත්වීය.
දේශපාලන රැඳවියන් නිදහස් කරන ලෙස ආණ්ඩුවට බලකරමින් පැවති මෙම සත්‍යග්‍රහයෙන් අනතුරුව පිරිස පා ගමනින් ජනාධිපති ලේකම් කාර්යාලයට පැමිණ ජනාධිපති අතිරේක ලේකම් එස් ටී කොඩිකාර මහතා සමග සාකච්ඡාවක් පවත්වා පෙත්සමක් භාර දුන්හ. මෙම උද්ඝෝෂණයට වාමාංශික දේශපාලන පක්ෂ ක්‍රියාකාරීන්, මානව හිමිකම් සංවිධාන නියෝජිතයන්, දේශපාලන රැඳවියන්ගේ ඥාතීන් ඇතුළු පිරිසක් සහභාගී විය.
සත්‍යග්‍රහයෙන් අනතුරුව රැස්ව සිටි පිරිස කොටුව දුම්රියපොළ ඉදිරිපිට සිට පාගමනින් ජනාධිපති මණ්දිරිය දක්වා ගමන් කළ අතර ලේක්හවුස් මංසන්දියේ සිට ගාලු මුවදොර දෙසට ගමන් කරන අතර මග පොලීසිය මාර්ග බාධක යොද පාගමනට බාධා කරන ලදී.
