Colombo Today Local News

දින 100 වැඩපිළිවෙල හැදුවේ මෛත්‍රීගේ එකගතාවයෙන් – ජයම්පතී වික්‍රමරත්න

2015 ජනාධිපතිවරණයේදී පොදු අපේක්ෂකයා වෙනුවෙන් ඉදිරිපත් කළ දින 100 වැඩපිලිවෙල සකස් කළේ මෛත්‍රීපාල සිරිසේන මහතාගේ පාර්ශ්වය ද දැනුවත්ව බව පාර්ලිමේන්තු මන්ත්‍රී ජයම්පති වික්‍රමරත්න මහතා පවසයි. එය තනි පුද්ගලයෙකු විසින් සකස් නොකළ බවත් මෛත්‍රීපාල සිරිසේන මහතාට සහයෝගය දුන් සියලු පාර්ශ්වවල එකඟතාවයෙන් සකස් කරන ලද්දක් බවති වික්‍රමරත්න මහතා පෙන්වා දෙයි.

මෙම වැඩපිළිවෙල එළිදැක්වීමට පෙර පැවති අවසන් සාකච්ඡාව සඳහා මෛත්‍රීපාල සිරිසේන මහතා ද සහභාගි වී ඇති අතර එහිදී වාක්‍යයෙන් වාක්‍යය දීර්ඝ ලෙස සාකච්ඡා කළ බවයි ඔහු පවසන්නේ.

පසුගිය 30 වැනිදා පැවති, මාදුළුවාවේ සෝභිත හිමි 76 වැනි ජන්මෝත්සවයට සහභාගි වූ ජනාධිපතිවරයා ප්‍රකාශ කළේ දින 100 වැඩපිළිවෙල සකස් කළේ කවරෙක්ද යන්න නොදන්නා බවයි.

මෙම වැඩපිළිවෙල සෝභිත හිමිගේ සාධාරණ සමාජයක් සඳහා ජාතික ව්‍යාපාරය මුලින්ම යෝජනා කළ බවත් ඉන් පසු සියලු පාර්ශ්වවල අදහස්, යෝජනා සලකා බලා වැඩපිළිවෙල සකස් කළ බවත් ජයම්පති වික්‍රමරත්න මහතා වැඩිදුරටත් ප්‍රකාශ කරයි. සෝභිත හිමි ඇතුළු පාර්ශ්වය දින 180 ක වැඩපිළිවෙලක් ඉදිරිපත් කළද එක්සත් ජාතික පක්ෂයේ යෝජනාවක් අනුව එය දින 100 දක්වා අඩු කළ බව ඔහු පවසයි.

Related posts

ජනවාර්ගික ප්‍රශ්නයට විසඳුමකට එළඹීමට අපේක්ෂා කරනවා – ජනාධිපති රනිල් වික්‍රමසිංහ

Admin

කොළඹට එන ICC

Admin

දුම්රිය සංඥා පද්ධතියේ බිද වැටීමක් – මුහුදුබඩ මාර්ගයේ දුම්රිය ප්‍රමාදයි

Admin

ලොරි රථයක ගැටී රුසියානු කාන්තාවක් මරුට

colombotoday

ආණ්ඩුවට පක්ෂ – විපක්ෂ ආධාරකරුවෝ දෙපිරිසක් ඇවිලෙයි

colombotoday

දුම්වැටි වර්ග වල නවතම මිල ගණන් මෙන්න

Admin