එක්සත් ජාතික පක්ෂයේ ප්‍රතිසංවිධානයෙන් තමන්ට නියෝජ්‍ය නායකකම ලැබීම පිළිබදව තමන්ට මේ දිනවල ඇමතුම් ලබා දෙමින් “සතුටුදැයි“ අසන නමුත් තමන් තෘප්තිමත් නැති බව එජාප නියෝජ්‍ය නායක අමාත්‍ය සජිත් ප්‍රේමදාස මහතා පවසයි.
තමන් තෘප්තිමත් වන්නේ රටේ ජනතාවට සේවයක් සිදුකිරීමෙන් පමණක් බවද හෙතෙම කියා සිටී.
පෙර පරිදී පොහෙර සහනාධාරය ජනතාවට දෙනවා නම්, පෙර ක්‍රමයටම යළි පාසල් නිල ඇඳුම දරුවන්ට ලබා දෙනවා නම්, මට සතුටු විය හැකියි. එමෙන්ම රටේ සිටින රැකියා විරහිත උපාධිධාරීන්ට රැකියා ලබා දීමට පුළුවන් නම්, රටේ ජීවත් වන ජනතාවගේ නිවාස ප්‍රශ්නවලට විසඳුම් ලබා දීමට හැකිනම් මට සතුටු විය හැකියි. මා සෑහීමකට පත් වන්නේ ජනතා සංවර්ධනය දැකීමෙනුයි. රටේ පුරවැසි පරපුර සතුටක් ලබන්නේ කවදාද, මාද සතුටු වන්නේ එදිනටයි.”
යැයිද සජිත් ප්‍රේමදාස මහතා කියා සිටියේ හම්බන්තොට අමරදේවගම ජනඋදාන ගම්මානය ජනතා අයිතියට පත්කිරිමේ උත්සවයට සහභාගී වෙමිනි.