හමිබන්තොට දිස්ත්‍රික්කේ බොහො පිරිස් මට මෙ දවස් වල කෝල් කරලා කියනවා මහින්ද මහත්තයාටවත් ධිවර ඇමතිකමෙ ඉදිද්දි කරන්න බැරි උන ජනතා සේවයක් ඔබතුමා ඉටුකරා කියලා යැයි හිටපු ධීවර අමාත්‍ය මහින්ද අමරවීර මහතා පවසයි.
කෘෂිකර්ම ඇමතිවරයා ලෙස වැඩ බාර ගැනීමේ අවස්ථාවේදී මාධ්‍ය හමුවේ හෙතෙම මේ බව කියා සිටියේය.
කෘෂිකර්ම අමාත්‍යාංශය සඳහා රාජගිරියේ පිහිටි ගොඩනැඟිල්ල ලබාගෙන ඇත්තේ කථානායකවරයාගේ ඉල්ලීමක්‌ මත බවත් තමාට සැප පහසු ගොඩනැඟිලිවල සිටීමේ අවශ්‍යතාවක්‌ නොමැති බවත් හැකි නම් පෙර තිබූ කෘෂිකර්ම අමාත්‍යාංශ ගොඩනැඟිල්ල නැවත ලබා ගැනීමට තමන් කටයුතු කරන බවත් ඇමැතිවරයා සඳහන් කළේය.
‘හිටපු කෘෂිකර්ම ඇමැති දුමින්ද දිසානායක මහතාට මෙම ගොඩනැඟිල්ල ලබා ගැනීම සම්බන්ධයෙන් විවිධ චෝදනා එල්ල වුණා. එතුමාගේ වුවමනාවට මෙතනට ආව නෙවෙයි. ඔහුට අනවශ්‍ය විදිහට බැණුම් අහන්න සිද්ධ වුණා. රජයේ අවශ්‍යතාවක්‌ හා කථානායකගේ ඉල්ලීමක්‌ මතයි ඒ කටයුත්ත කළේ. තිබුණු ගොඩනැඟිල්ල මන්ත්‍රී කාරක සභාවලට අවශ්‍යයි කියලා අරගෙන තිබුණේ. යැයි අමාත්‍යවරයා එහිදි කියා සිටියේය.