විශ්වාසභංගයේදී අගැතිවරයාට එරෙහිව ඡන්දය භාවිතා කළ ශ්‍රීලනිප කණ්ඩායම විසින් මැයි 07 වනදා වෙනම මැයි රැළියක් පැවැත්වීමට කටයුතු සූදානම් කරමින් සිටී.
“ශ්‍රී ලංකා නිදහස් පක්ෂයේ රනිල් පිල“ සමග තවදුරටත් කටයුතු කළ නොහැකි බැවින් රනිල් පිලේ මහ ලේකම්වරුන් වන මහින්ද අමරවීර සහ දුමින්ද දිසානායක විසින් සංවිධානය කරන මැයි රැළියට සහභාග නොවන බව අගමැතිවරයාට එරෙහිව ඡන්දය දුන් රාජ්‍ය අමාත්‍ය ටී.බී. ඒකනායක මහතා ප්‍රකාශ කළ අතර, 16 දෙනෙකුගෙන් යුතු තම කණ්ඩායම වෙනම මැයි රැළියක් කොළඹ විහාරමහා දේවී එළිමහන් රංග පීඨයේදී පවත්වන බවද පැවසීය.
එම රැළියේ ප්‍රධාන ආරාධිතයා ලෙස ශ්‍රීලනිප නායක ජනාධිපති මෛත්‍රීපාල සිරිසේන මහතාට ආරාධනා කරන බවත්, හිටපු ජනාධිපති මහින්ද රාජපක්ෂ මහතාටද ආරාධනා කරන බවත් ඔහු වැඩි දුරටත් කියා කියා සිටියේය.