ඓතිහාසික පුදබිමක් ලෙසත් ලෝකයේ ප්‍රථම සත්ත්ව අභය භූමිය ලෙසත් බොදු ජනතාවගේ ගෞරවාදරයට පාත්‍ර වී ඇති ඓතිහාසික මිහින්තලේ පුදබිම ආසන්නයේ ගව ඝාතකාගාරයක් හා මසට ගවයන් අලෙවි කරන ස්ථානයක් පවත්වාගෙන යන බවට ප්‍රෙද්ශවාසීහූ අනාවරණය කරති.
මිස්සක කදු මුදුනේ පිහිටි මහ සෑ රදුන් පෙනෙන මානයේ ඒ නවය මාර්ගයේ මිස්සක මාවතේ මෙම ගව ඝාතකාගාරය හා එළ හා මී ගවයන් මසට විකුණන ස්ථානය පිහිටා ඇතැයි ඔවුහූ පවසති. මිස්සක මාවතේ පිහිටි ඉඩමක් වටා තාප්පයක් බැද දැඩි ආරක්ෂාවක් මැද ඒ තුළ ගව ගාලක් ලෙස මෙම ස්ථානය පවත්වාගෙන යන බවත් දිවා රාත්‍රී ලොරි රථවලින් ගවයන් මෙම ස්ථානයට ගෙනැවිත් ගාල් කරන බවත් ඒ අවට පදිංචිකරුවෝ පවසති.
ඒ අතර තාප්පයෙන් වටවූ ඉඩම කෙළවර ඇති පාළුවට ගිය නිවෙසක් තුළ ඉතා රහසිගතව ගවයන් මරා මස් අධිශීතකරණ සහිත ලොරිවල පටවා රැගෙන යන අන්දම දක්නට ඇතිබව ප්‍රදේශවාසීහූ කියා සිටිති.